Dateng di kampus bawa buku tebel-tebel
Dandanan nyentrik bergaye model professor
Ngaku di rume berangkat pergi kulieh
Sampe di kampus nyatanye ke kantin juge
Nyari temen ngobrol sambil ngupi die paling doyan
Nyetanin temen ngajakin bolos kulieh
Kelar kulieh die juge ikut pulang
Belaga pilon kopinye lupe dibayar
Deket ujian die sibuk potokopi
Cari catetan colek sana colek sini
Waktu ujian houdingnye kayaknya ngarti
Ude dua jem kertasnya belon diisi
Giliran pengumuman ujian keluar
Angke-angkenye mere gak satu birunye
Kalau ditanye nape ancur ujian lu?
Jawabnya santai dosennya pade sentimen
Itulah die kisah seorang mahasiswe
Jangan diconto segala kelakuannye
Kalo pade mau tau om.., pade mau kenal
Gak jauh jauh nih die, ai lah orangnye